ക്ഷണനേരമൊരു ഭാരത്തെ
വയറ്റിൽ കൊണ്ടു പോകുമോ?
പത്തുമാസക്കാലം താൻ
അമ്മ ചുമക്കുന്നു കുഞ്ഞിനെ.
അമ്മതൻ പാൽ കുടിച്ചിട്ട്
ജീവിപ്പൂ കൊച്ചുകുട്ടികൾ
പശുവിൻ പാൽ കുടിച്ചിട്ടും
ജീവിപ്പൂ കൊച്ചുകുട്ടികൾ
ശിശുവിന്റെ മനം പോലെ
ആയിത്തീരുക സർവ്വരും
നിഷ്ക്കളങ്ക മനസ്സുക്കൾ
എത്തുന്നു ദൈവസന്നിധി.
യൗവ്വനം സൂര്യനെപ്പോലെ
തിളങ്ങീടണമേവരും
സർവ്വലോക ജനത്തിന്റെ
സർവ്വ ഉന്നതിയാണവർ.
രോഗം തന്നെ മനുഷ്യന്റെ
ജീവിത ക്ലേശമായതും
രോഗശാന്തി ലഭിച്ചീടാൻ
കർമ്മം തന്നെയുമാശ്രയം.
ശിശുവിന്റെ മനം പോലെ
ആകുന്നു വൃദ്ധമാനസം
ആശ്രയിക്കാതെയാരേയും
കഴിയാ വൃദ്ധജനത്തിന്.
ഉള്ളിലെ നന്മ നൽകുന്നു
സുഖമായൊരു ജീവിതം
തിന്മ നൽകുന്നു ദുഃഖങ്ങൾ
ദുഃഖം സമ്പാദ്യമല്ല കേൾ.
അമ്മ തൻ കുഞ്ഞിനെ നോക്കി
രക്ഷിച്ചീടുന്നതെന്ന പോൽ
ഈശ്വരൻ നമ്മെ നോക്കുന്നു
ശിക്ഷയും നൽകിയെപ്പൊഴും.
സോമദാസ്
No comments:
Post a Comment