പതിന്നാലു ലോകമുണ്ടെന്നു
ചൊല്ലുന്നൂ പുരാണങ്ങളിൽ
ഏതുലോകത്തു ചെന്നാലും
ഭൂമിയോളമതാകിടാ.
സപ്തഖണ്ഡങ്ങളായിട്ട്
ഭൂമിയെ വിഭജിച്ചിടും
ഏഷ്യയെന്നൊരു ഖണ്ഡത്തെ
അഭിമാനത്തോടെ കാണണം.
ഏഷ്യയാകുന്ന ഖണ്ഡത്തിൽ
ഭാരതം എന്ന നാടിനെ
തന്റെ സ്വന്തം നാടെന്ന്
എപ്പോഴും കരുതീടണം.
കേരളം തന്റെ വീടെന്ന്
കേരളീയരതോർക്കണം
തന്റെ വീടുപോൽ നോക്കേണം
വീട്ടിലെ തന്റെ ഭാഷയും.
കൊല്ലം നല്ലതാണെന്നു
പറയിക്കാൻ ശ്രമിക്കണം
തന്റെ ജില്ലയതാണെന്നു
എപ്പോഴും കരുതീടണം.
കൊട്ടാരങ്ങളുടെ കരയായ
കൊട്ടാരക്കര പണ്ടുനാൾ
രാജസ്ഥാനമാണെന്നു
ചൊല്ലുന്നൂ ചരിതങ്ങളിൽ.
സർവ്വ ജീവിത ദുഃഖവും
വെട്ടീടുന്നൊരു ദേശമായ്
വെട്ടിക്കവലയതാണല്ലോ
തന്റെ ജീവിതമാണത്.
തന്റെ വീടിനെ നന്നാക്കാൻ
എല്ലാപേരും ശ്രമിക്കണം
തന്റെ ലക്ഷ്യമതാകേണം
മാതൃകാ ഗേഹമാക്കണം.
എന്നിൽ നിന്നു തുടങ്ങുന്നു
ലോകത്തിന്റെ വികാസവും
ലോകം നന്നാകണമെങ്കിൽ
മുന്നേ ഞാൻ തന്നെയാകണം.
എല്ലാരുമിതുപോൽ ചിന്തിച്ചാൽ
ലോകവാസം സുഖപ്രദം
മറിച്ചാണെങ്കിലോ എന്നും
നരകവാസമതായിടും.
സോമദാസ്
No comments:
Post a Comment