മാങ്ങയും മാങ്ങാണ്ടിയും

എന്റെ മാവ് പൂത്തു. നിറയെ പൂക്കൾ.
കുറച്ചുനാൾ കഴിഞ്ഞുനോക്കിയപ്പോൾ മാവ് നിറയെ കണ്ണിമാങ്ങകൾ.
പിന്നെ അത് വലുതായി.
കടും പച്ച നിറമുള്ള മാങ്ങകൾ. നല്ല ബലവും കട്ടിയും.
പതുക്കെ അതിന്റെ നിറം മാറി.
മഞ്ഞനിറമായി. നല്ല സുഗന്ധവും സൗന്ദര്യവും.
പിന്നെ പിന്നെ അതിന്റെ നിറം മങ്ങിത്തുടങ്ങി. സുഗന്ധം ദുർഗന്ധത്തിന് വഴിമാറി.
അത് താഴെവീണു.
ഇന്ന് നോക്കിയപ്പോൾ ഒരു മാങ്ങാണ്ടി മാത്രം!
മാവ് ഈ ലോകവും ഞാൻ അതിലെ ഒരു മാങ്ങയുമാണെന്ന് എനിക്കു തോന്നി.
ഇപ്പോൾ ഞാൻ സുഗന്ധം പൊഴിച്ച് സുന്ദരനായിരിക്കുന്നു.
ഇനി വരാനുള്ളത് ദുർഗന്ധത്തിന്റെ നാളുകൾ.
അതുകഴിഞ്ഞാൽ എന്റെ ശരീരം എന്നെ വിട്ടുപോകും.
പിന്നെ ഞാൻ വെറുമൊരു മാങ്ങാണ്ടി!!