വസ്തുക്കളതോരോന്നും
സൂക്ഷ്മമായിട്ടു നോക്കുകിൽ
വസ്തുവിൻ കാരണത്തേയും
കണ്ടിടാം തർക്കമെന്നിയേ.
ജലത്തിൻ കാരണമായിട്ട്
കണങ്ങളാണെന്നു കണ്ടിടാം
കണങ്ങൾ തൻ കാരണത്തെ
ആറ്റമാണെന്നു ശാസ്ത്രവും
ആറ്റത്തിൻ കാരണമായി
സൂക്ഷ്മവസ്തുക്കൾ കണ്ടിടാം
അവയിൽ നിന്നുമാണല്ലോ
ദൃശ്യപ്രപഞ്ചമായതും
ഇച്ചൊന്ന സൂക്ഷ്മവസ്തുക്കൾ
ഏതിൽ നിന്നുത്ഭവിച്ചിടും
എന്നു ശാസ്ത്രം ദർശിച്ചു
ഊർജ്ജം തന്നെ കാരണം.
ആറ്റസംഘാതമാണല്ലൊ
എല്ലാവസ്തുവുമെന്നതും
മുന്നേ ‘കണാദൻ’ കണ്ടെത്തി
ആർഷഭാരത മാമുനി.
ജഡമായവയെല്ലാമേ
ഊർജ്ജത്താൽ സൃഷ്ടമായിടും
എന്നു ശാസ്ത്രം കണ്ടെത്തി
സത്യത്തിൻ പൊരുൾ തന്നെയും.
ഊർജ്ജത്തിൻ കാരണത്തേയും
കണ്ടെത്താനതി ദുർഘടം
ഭാരതത്തിൻ മനീഷികൾ
കണ്ടെത്തി ‘മഹത്’ എന്നത്.
ബ്രഹ്മത്തിൻ സ്പന്ദഹേതുവായ്
രൂപമായുള്ളോരവ്യക്തം
അവ്യക്തമായതിൽ നിന്നും
‘മഹത്’ ഉണ്ടായി അത്ഭുതം.
മഹത്തിൽത്തന്നെയാകുന്നു
ത്രിഗുണങ്ങൾ തന്നുത്ഭവം
ദൃശ്യപ്രപഞ്ചമതുപോൽ
മനസും രൂപമായതും.
മഹത്തിൻ പരിണാമത്തെ
ശാസ്ത്രം ചൊല്ലുന്നു ‘സൃഷ്ടിയായ്’
പരിണാമമതുപോൽതന്നെ
‘വിലയവും’ പ്രകൃതിയാണത്.
ഉത്പത്തി പ്രളയം എന്നും
എപ്പോഴും സംഭവിച്ചിടും
അതുതാൻ പ്രകൃതിധർമ്മവും
അതുതാൻ ബ്രഹ്മമായയും.
സോമദാസ്
No comments:
Post a Comment